Badator hainbeste itxarondako jaialdia!

Badakigu zuotariko asko ezin izan zaretela etorri, sarrerarik gabe gelditu zaretenok azkenengo aukera izango duzue Bermeoko Kafe Antzokiko takillan bertan. Gurekin egon ezin zaretenok eta Asel kontuan hartuta, jaialdia internet bidez jarraitzeko aukera eskeini nahi izan dizuegu.

Zuzenean, kamera txikia eskuan hartuta eta modu pertsonalean, jaialdiko giroa denbora errealean internet bidez jarraitzeko aukera eskeini nahi izan dizuegu, momentu oro gertatzen ari denaren berri izan dezazuen. Honetaz gain, gai honen inguruan Twiterren bidez interneten komentatzen dena zuzenean jarraitzeko aukera izango duzue.

Hau guztia eta beste sorpresatxo batzuk http://jaialdia.aselaskatu.org/ web orrialdean.

Etxean zaudetela? Lanean zaudetela? Txoko/Lokalean zaudetela?

Internet izanez gero, ez ezazue aukera hau galdu; parte hartu eta adierazi zuon elkartasuna Aseli. Momentuz web orrialdea itxita dago, baina jaialdia baino zertxobait arinago irekiko dugu giroa sortzen hasteko, beraz, adi Twitter sareari eta Aselaskatu webguneari, hor emango bait dugu irekiearen berri.